نشطاء تويتر يقدمون نصائح ثورية للمستجدين على هاشتاج «أول مرة تحرير»

Admin عدد المساهمات : 1144 تاريخ التسجيل : 10/02/2009

أطلق نشطاء تويتر هاشتاج « #أول_مرة_تحرير »
وقدموا فيها نصائحهم وخبرتهم بالثورة والميدان لهؤلاء الذين ينزلون للمرة الأولى للمشاركة في مليونية غدا -الثلاثاء-.

لو أنت كمان «أول مرة تحرير» اتبع الآتي:

- اوعى تنفصل عن مجموعتك مهما كان السبب واشحن موبايلك على آخره وياريت لو معاك بطارية تانية مشحونة

- ما تشيلش غير علم مصر ..لا أعلام أحزاب ولا حركات

- لا تستفز العساكر ولا تهينهم أو تعتدي عليهم بالضرب أو الأذى- هم أكثر ناس غلابة في هذه المأساة، وهم أيضا لهم أسر تنتظر عودتهم

- اوعى تتكسف تهتف ، لازم تهتف.. إنت بتهتف من أجل الوطن مش من أجل حد

- هاتلاقي ناس بتحاول تستفذك لو أول مرة إنت فلول إنت صوتت لمين .. اعمل نفسك مش سامع و كمل سيبك منهم

- ماتدخلش الميدان بإيدك فاضية....خد حاجة واحدة معاك للمستشفى الميداني وسلمها بنفسك" فعلا ولو حتي عصير

- إذا وقعت وتعرضت للضرب، تكور في وضع الجنين واحمي رأسك بذراعيك وبطنك بساقيك. الرأس والبطن فيها نقاط الضعف- احميها.

- كل بنت في الميدان أختكم واللي يحاول يتحرش بيها حتى بكلمة خاين خيانة عظمي للثورة.. خلوا المتحرش هو إللي مرعوب من وجوده وسطكم!

- ممنوع الميكب والعدسات اللاصقة والكريمات (يتجمع الغاز تحتها) وأي ملابس حد يقدر يشدك منها بالذات من الخلف.

- أغلب الناس في التحرير في الشارع بقالهم سنتين وضد الديكتاتورية، إنزل انت كمان ضد الديكتاتورية وبس، ولا تقول مبارك ولا شفيق

- الناس في التحرير كانوا على طوووول مبتسمين,خلى الإبتسامة متفارقش وشك مهما حصل

- أعرف أن الميدان مش حكر على حد ,وأنك مواطن مصرى نازل تعبر عن مطالبك سواء أول مره او المليون.

- ما تعتمدش على الاتصال سواء بالموبايل او النت لان الشبكة مع تجمهر الناس بتضيع، الافضل انه يكون فيه نقط للالتقاء متفق عليها

- من أدبيات المظاهرات لما تسمع هتاف سلمية تعرف ان المتظاهرين بيتضربوا ولما تسمع هتاف ايد واحده تعرف ان في مندسين

- هتشوف مصر اللى نفسك تعيش فيها و مفيش فرق بين مسيحى و مسلم

- متسألش مين مع مين كلنا مع مصر

- ماتزعلش انت جيت فى الوقت المناسب

- عيش التجربة الثورية

- هتلاقى واحد أول مرة تشوفه فى حياتك هيخاف عليك أكتر من نفسك

- بالنسبه للبنات حاولى تكونى فى مجموعات ومتسبوش بعض لاى سبب والبسى بنطلون لسهوله الحركة حتى لو تحت العبايه او الجيبه

- لو حد سألك ان تبع مين ؟؟ قوله انا تبع #مصر ونازل ليه؟؟ نازل علشان #مصر”

- انت نازل لمصر مهما كان صوتك اللى فات لمين انت نازل لمصر يعنى مفيش حاجة اسمها فلول مفيش حاجة اسمها نخبه مفيش حاجة اسمها حزب

- خليك دايما في مجموعة و ما تمشيش وحدك في الشوارع الجانبية

#أول_مرة_تحرير عمرها ما هتبقى آخر مرة Smile

ادخل هنا شارك بتجربتك في الميدان ..

» شرح الفيس بوك (Facebook) و تويتر (Twitter)
» حملة لمقاطعة محلات الاخوان ومنتجاتهم على تويتر والفيس بوك