ايه هو الحب؟

الحب إحساس غريب بيبدأ, بصراحه هو ما بيبدأش لأنك أصلا ما بتعرفش ليه بدايه وطبيعي إن مالهوش نهايه عارف لما تشوف انسان وقلبك يدق اوي اوي ولما تيجي عينيك في عينيه تحس انك عاوز تفضل تبص في عينيه كتيرجدا, ولما تسهر طول الليل تحلم بيه وتفكر إيه هيكون إحساسك لو كان قاعد برده بيفكر فيك دلوقتي في نفس الوقت اللي انت بتفكر فيه ده أأقدر اسميه حب. الحب حاجه مرتبطه بالروح .إنت اصلا ما بتقدرش تخرجه من جواك من الصعب إنك تنسي إنسان إنت بتحبه.

ببساطه الحب : هو شئ مش ملموس هو إحساس محسوس, في كتير من الناس بتختلط عليهم الأحاسيس وبيقولوا عليها الحب بس الحب قريب اوي من اللي انا قولته فوق هو اللي بيقدر بس ينقلك من الدنيا العاديه لدنيا الأماني والأحلام اللي تقدر تحقق كل حاجه فيها. ياه عارف هو الشيء اللي بيهون عليك اي حاجه تكون حاسس انك صعب تنفذها إو تستمر فيها هو برده الحافز اللي بيخليك تنفذها . مهما اتكلمت وزي منا قولت هو غير ملموس هو شيء محسوس انا مقدرش اجسده في كلام .