(بحبك وآكتر القمر)only on dance 2010

عدد المساهمات : 52 تاريخ التسجيل : 12/02/2009

بحبك وآكتر(القمر)

الحكايه سهله بتعتمد علي مدي اليقين الي جواك بحبك وإيه مدي ترسيخ الفكره جواك, الحب الصادق بينبع من القلب الحب المؤقت بينبع من القلب برده بس الفرق بين الأول والتاني إن الأول دايما معاك حواليك والتاني دايما حوليك بس من جهة الشهوات الغريزه الإنسانيه والشهوانيه, الحب الصادق بيخليك تكلم وتناجي مخلوقات الأرض والتاني بيناجي كل منطقه من جسمك محدود التأثير,الأول المدي بتاعه من غير حدود. كان لازم قبل لما أبدأ موضوعي أعمل المقدمه دي عشان تفهموني وتحسوا بيا وبي القمر.

سهران وكان ليلي طويل زي أي يوم وأنا قاعد أفكر فيها كان إحساسي بيها فاق الخيال سألني القمر كل ليله تسهر ولا تنام إيه آخرتها يافاني أنور لياليك وإنت سهران وهيه مش حاسه بيك لإمتى؟

كان ردي:

لما تشوف عنيها ياقمر الليالي تعرف إن سهرك الدهر كله ما يساويش رمش من رموشها ما بالك هيه عنيها تهتز ليه الجبال ودي الحقيقه, آخاف أقف قدام عنيها روحي تروح ليها حبي ليها عظيم أعظم من كل الليالي اللي نورك نورها.

قالي تاني:

فاني وكل همه الآماني عايش فتره هتزول بس أنا أعترف إن حبك ليها باين عليه عظيم إيه السبب؟

رديت عليه:

لما السحاب يشكل فوقها بيت يتمني تسكن معاه فيها تعرف,واما تعدي جمب الزهور الدبلانه تديها الأمل وتبقي عايشه على أمل إنها تعدي من جمبها مره تانيه,واما الأرض تتكلم عن مشيتها واما الهوي يضحك مع ضحكتها ,أكيد ياقمر الليالي عرفت آنا بحبها ليه .

سألني تاني:

غريب أمرك وعجيب حبك من زمان الدهر ما سمعتش كده كلام فيه حنين وتقدير وممكن حاجه من التعظيم فضولي عاوز يعرف قد إيه وصل حبك ليها؟

قولت ليه:

مش هقول ليك ياقمر الليالي إن حبي ليها أكبر من عدد العيون السود وأكتر من عدد حبات الرمل ولا أكتر من عدد خصلات شعر العشاق لا أنا حبي ليها حواليها حارس حنيني ليها كان يخرج مني من كل نفس بخرجه مني يطلع يروحلها ويرجع مع كل نفس بتنفسه يطمني عليها, جيوش الهوي أنا ملكها وعمال الشوق أنا ملكها وجمهورية الحب بقيت أنا رئيسها وكل أسلحتها بقيت مسخرها ليها, حبي ليها أقدر أقول عليه فاق الخيال عدا السما وضاقت بيه شوارع الأرض حبي ليها نايم مع الميه مستني الفيضان وقاعد مع التراب مستني الرياح اللي هتشيله بص في أي مكان هتلاقيني هناك .

ده كان الجزء الأول من المدونه دي لو عايزين الجزء التاني الردود هيه اللي هتخليني أكتبه ليكم وشكرا لأنكم كملته موضوعي للآخر.

Wrriten by:eng\\ahmed alashre

» بحبك موووووووووووووووووت
» نطق الفؤاد .....بحبك